பத்தாவது ஆண்டில் கால்பதிக்கின்றது மறவன் தொலைக்காட்சி

பத்து வருடங்களுக்கு முன்னராக மறவன்புலவு சமூக பற்றுக் கொண்ட இளைஞர்கள் ஒன்றிணைந்து உருவாக்கிய மறவன் ரிவி இன்று 10வது ஆண்டில் கால் பதிக்கின்றது.
புலம்பெயர்ந்து சுவிஸ் நாட்டில் வாழும் மாணிக்கவாசகர் ராஜீவன் அவர்களின் முற்றுமுழுதான பங்களிப்புடன் மறவன் தொலைக்காட்சி ஆரம்பிக்கப்பட்டது.

இதில் அந்நாட்டில் வாழும் கனகரத்தினம் தனேந்திரன், ஜேர்மன் நாட்டில் வசிக்கும் சச்சிசானந்தன் பால்ராஜ், இத்தாலி நாட்டில் வசிக்கும் இரகுநாதன் சர்வேந்திரன் உட்பட தாயகத்தில் இரத்தினம் சிவரூபன் சிவராசா சிவாகுலன் இராசரத்தினம் கோகுலன் குலேந்திரன் லவன், சந்திரதாசன் கரிகரன் உள்ளிட்டவர்களும் தம்மாலான ஒத்துழைப்புக்களை வழங்கியிருந்தார்கள்.

மறவன்புலோ இணையம் மறவன் தொலைக்காட்சி ஒரு நிர்வாக கட்டமைப்புடன் பரந்துபட்டவர்களை உள்ளடக்கி வெற்றி நடைபோட்டு வருகின்றது. இந்த பத்து வருடங்களில் தாயகத்தின் பல நிகழ்வுகளையும் புலம்பெயர் தேசத்து நிகழ்வுகளையும் நேரலையாகவும் நிகழ்ச்சிகளாகவும் வழங்கி வருகின்றது.

ஆயினும் இந்த பத்தாவது வருடத்தில் கால் பதிக்கும் இந்த தருணத்தில் தனது தொழில்நுட்பங்களை அதிகரித்து அதிநவீன தொழில்நுட்ப வசதிகள் ஊடாக எதிர்வரும் நிகழ்ச்சிகளை ஒளிபரப்ப காத்திருக்கின்றது. அதன் ஆரம்ப கட்ட நிகழ்வாக மறவன்புலவு மத்தி புலோக்காடு நரசிங்க வைரவர் ஆலய சித்திரைப் பரணி நிகழ்வினை நேரடியாக வர்ணனையுடன் கூடிய ஒளிபரப்பாக எதிர்வரும் 8ம் திகதி ஒளிபரப்ப காத்திருக்கின்றது. இலங்கை நேரடிப்படி காலை7 மணி முதல் தனது நேரடி ஒளிபரப்பினை தாயகத்திலிருந்து மேற்கொள்ளவுள்ளது.

அதிசிறந்த ஒளிப்பட புகைப்பட கலைஞர்களை உள்ளடக்கி நவீன ஏச்டி தொழில்நுட்பத்தின் ஊடாக நேரடி ஒளிபரப்பினை ஆரம்பிக்கின்றது என்ற மகிழ்ச்சியான செய்தியினை அறிவிப்பதில் மறவன் தொலைக்காட்சி நிர்வாகம் பெருமை கொள்கின்றது.
உங்கள் ஊர் ஆலய திருவிழாக்கள், திருமண நிகழ்வுகள், மரண நிகழ்வுகள், பிறந்தநாள் நிகழ்வுகள் போன்ற அனைத்து பொது நிகழ்வுகளையும் எமது தொலைக்காட்சி ஊடாக நேரடி ஒளிஒலி பரப்பு செய்ய விரும்பினால் Maravanpuloweb@gmail.com என்ற மின்னஞ்சல் ஊடாகவும் அல்லது 0773000967 என்ற வட்சப் இலக்கம் ஊடாகவும் அல்லது 0779485383 என்ற தாயக இலக்கத்தின் ஊடாகவும் தொடர்பு கொள்ள முடியும்.